Na investigación preclínica, unha alta porcentaxe das moléculas que superan a fase invitro, non superan a validación en modelos animais. A tecnoloxía de BFlow empregada entre ambos os tests, ao aplicar modelización de dinámica de fluxo e condicións fisiolóxicas no dispositivo con cultivo celular, permite discriminar mellor as moléculas cunha probable actividade in vivo, co consecuente aforro en tempo de chegada ao mercado da molécula e custos experimentais. Trátase dunha solución punteira e eficaz, froito de anos de investigación do seu equipo científico e premiada pola Real Academia Galega de Ciencias.