Spin-out de Hifas dá Terra, dedicada á investigación, desenvolvemento e comercialización de alimentos complementarios e zoosanitarios obtidos a partir de fungos, dirixidos a protexer a saúde dos animais de compañía e e animais de produción (apicultura, porcino, avicultura e acuicultura, entre outros).

O seu obxectivo é potenciar parámetros de produción e resistencia ás enfermidades en animais de produción dentro do enfoque ‘One Health’, e en animais de compañía (cans e gatos) o desenvolvemento dunha gama completa de suplementos nutricionais e produtos de uso tópico (dermatoloxía) nas principais áreas terapéuticas de interese en veterinaria como a inmunomodulación, condroprotección, dixestivo, alerxias e disfunción cognitiva, nas que as moléculas bioactivas procedentes dos fungos teñen evidencia científica.