Fluorotools crea novas ferramentas farmacolóxicas que permiten acelerar e abaratar o desenvolvemento de novos fármacos a medida para cada diana terapéutica. Para iso substitúen as ferramentas radioactivas que se usan habitualmente por outras máis sinxelas que empregan a fluorescencia (propiedade óptica que está a axudar a democratizar o descubrimento de fármacos) en lugar da radioactividade, co que son máis respectuosas co medio ambiente, ademais de máis económicas. Teñen en carteira tres produtos en disposición de ser comercializados, atopándose en fase de betatesters.