A Clínica IniPain é unha iniciativa do grupo de investigación Cerebro e Dor da Universidade de Santiago de Compostela, aínda en fase de pre-incubación. Xorde co obxectivo de mellorar a calidade vida das persoas que sofren dor crónica.

Propoñen unha atención integral aos/as pacientes con dor crónica, na que se combinan técnicas de fisioterapia convencional, intervencións psicolóxicas e procedemento de estimulación eléctrica transcraneal.

Dispoñen dos equipos máis modernos para a avaliación dos umbrais e dos mecanismos de modulación da dor, así como dispositivos para o tratamento con neuromodulación. Propoñen realizar esta terapia no propio fogar dos pacientes, con monitoraxe e seguimento en liña (a través de actígrafos e aplicacións móbiles).