Innogando naceu buscando a innovación en saúde e mellorando a produtividade do gando e as condicións de vida do agricultor mediante a implantación de tecnoloxía nas granxas, garantindo sempre o benestar dos animais.

En 2019 comezaron a traballar para desenvolver a súa primeira aplicación móbil, co fin de facilitar aos agricultores a estimación do peso dos seus animais. Actualmente están enfocados a dous proxectos:

• RUMI: sistema de seguimento constante en tempo real do estado do animal, único no mercado. Monitoriza e recolle información na súa propia aplicación para que o gandeiro poida acceder a ela, axudándoo a xestionar a súa explotación e tomar decisións importantes correctamente, detectando celos, axudando a previr enfermidades e incluso alertando sobre situacións perigosas, como roubo de gando ou ataques de lobos.
• ELITER: marca de becerros en lactación que permitirá revalorizar o que hoxe se considera un residuo de explotacións leiteiras. É sinónimo de calidade, trazabilidade e garantía. Recolle toda a información necesaria para garantir o bo estado e as condicións de benestar animal dos becerros, proporcionándolles un valor engadido que se traducirá nun aumento do beneficio para todos os implicados na cadea de valor.