Startup dedicada ao desenvolvemento e comercialización de software para o procesamento avanzado de imaxes médicas. A compañía foi fundada en decembro de 2014, a partir da transferencia dun algoritmo de cuantificación de imaxe por Tomografía de Emisión de Positrones (PET), desenvolto polo Grupo de investigación en Medicina Nuclear e Imaxe Molecular do IDIS.

Qubiotech desenvolveu e comercializa Neurocloud, unha plataforma de computación na nube deseñada para albergar algoritmos de análises de imaxes que permiten, en poucos minutos, procesar imaxes DICOM, a xeración automática de informes e a visualización de imaxes médicas. Neurocloud alberga algoritmos de cuantificación específicos que permiten en poucos minutos a identificación de áreas cerebrais anormais nas que os médicos poden centrarse. Neurocloud proporciona información cuantitativa e visual para mellorar a confianza no diagnóstico, reducir a subxectividade do mesmo e maximizar a produtividade.