GENVIP Research (Genetics, Vaccines, Infectious Paediatrics) é un grupo de investigación en pediatría dedicado ao estudo das enfermidades infecciosas e vacinas cunha perspectiva multi-omica, centrada na persoa e non no patóxeno.

O equipo ten a súa sede en Santiago de Compostela, e forma parte do Instituto de Investigación Sanitaria, unha institución que aúna as fortalezas da Universidade de Santiago e o Hospital Clínico Universitario de Santiago de Compostela. Este equipo multidisciplinar de 40 persoas desenvolveu ata o momento 9 macro-proxectos europeos, 50 proxectos competitivos e máis de 80 ensaios clínicos, acumulando un factor impacto > 5000 (JCR 2018).

Unha das liñas de investigación traslacional do grupo GENVIP desenvólvese ao redor de biomarcadores baseados en expresión génica. Nesta liña nace o proxecto DIAVIR, que parte dun escenario e un contexto que nos sitúa no ano 2030 sen a existencia de antibióticos útiles, de modo que calquera tipo de infección, por banal que sexa (un simple flemón dental) supoñerá unha seria ameaza para a saúde.

Esa situación só pode cambiarse coa investigación, a procura de novos antibióticos, pero sobre todo a través do uso racional dos mesmos. Con todo, cos métodos actualmente dispoñibles, utilízanse antibióticos sen necesidade en 3 de cada 4 pacientes con febre. É necesario seleccionar mellor que pacientes deben ser tratados con antibióticos, e nisto traballa GENVIP co proxecto DIAVIR, logrando un punto de inflexión a través deste innovador enfoque.

O proxecto DIAVIR baséase en biomarcadores transcriptomicos, é dicir, biomarcadores de expresión génica (RNA) nos pacientes que sofren unha infección ou un proceso inflamatorio, e que identifican inequivocamente o proceso subxacente, sen necesidade de illar o microorganismo ou realizar outras probas complemetarias. En concreto, identifican as infeccións víricas, bacterianas ou inflamatorias, tendo en conta a resposta diferencial e única dos xenes fronte a cada patógeno ou en cada enfermidade.

A firma transcriptómica (Patente en fase PCT – Número de solicitude de patente EP19 382 084.2) para o diagnóstico diferencial de infeccións virales é un produto innovador que, unha vez incorporado nun dispositivo no punto de atención ao paciente (Point-of-Care Test Device),  converterase nunha ferramenta de alto valor engadido para os profesionais médicos ademais de para os pacientes e as súas familias, e conlevará unha redución na prescrición innecesaria de antibióticos e da presión hospitalaria.